Нийслэлийн Засаг даргын 2025 оны 12 дугаар сарын 31-ний өдрийн “Байгууллагын үйл ажиллагааны үр дүнг үнэлэх тухай” А/1843 дугаартай захирамжийн хүрээнд нийслэлийн нутгийн захиргааны байгууллагуудын 2025 оны үйл ажиллагааны үр дүнг үнэлэх ажлын хэсэг байгуулагдсан. Тус ажлын хэсэг нь НЗДТГ-ын Хөрөнгө оруулалтын хэлтсийн дарга Б.Гантулгаар ахлуулсан Б.Амирлан, Э.Уянга, Б.Хүчитбаатар, Я.Оюунсүрэн, Б.Туяацэцэг, нарийн бичгийн дарга М.Гачмаа нарын бүрэлдэхүүнтэйгээр 2026 оны 1 дүгээр сарын 19-ний өдөр “Улаанбаатар Спорт Менежмент” ХК-ийн үйл ажиллагаанд хяналт шалгалт хийж, бодлого, чиг үүргийн хэрэгжилт болон үйл ажиллагааны ил тод байдлыг үнэлэн ажиллалаа.