Монгол улсын Ерөнхийлөгчийн 2021 оны 58 дугаар зарлиг, 2025 оны "Тэрбум мод тарих үндэсний өдөр зарлах тухай" 44 дүгээр зарлиг, Засгийн газрын 2021 оны “Тэрбум мод үндэсний хөдөлгөөний талаар авч хэрэгжүүлэх зарим арга хэмжээний тухай” 350 дугаар тогтоол, Монгол Улсын Шадар сайдын ахалсан Уур амьсгалын үндэсний хорооны 2023 оны 01 дүгээр тогтоолын хүрээнд уур амьсгалын өөрчлөлтийн сөрөг нөлөөллийг бууруулах, цөлжилтийг сааруулах, ой, усны нөөцийг хамгаалж нэмэгдүүлэх, экосистемийн тэнцвэрт байдлыг хангах, мод тарих, арчлан ургуулах, олон нийтэд сурталчлан таниулах 2026 оны арга хэмжээний хүрээнд “Хаврын мод тарих аян”-д байгууллагын нийт албан хаагчид нэгдэж 2026 оны 05 дугаар сарын 08-ны өдөр Сонгинохайрхан дүүрэг, 21 дүгээр хороо, Инчон мөрөөдлийн  төгөлд шинээр төлөвлөгдсөн талбайд 55 ширхэг нарс модыг тарьж, услах ажлыг хийж гүйцэтгэлээ. Бусад байгууллага, аж ахуйн нэгж, иргэдэд мод тарихыг уриалж, олон нийтэд сурталчлан таниулах зорилгоор “Хаврын мод тарих аян”-ы уриалга самбарыг байршуулав.